Тайваньдағы президент сайлауында оппозиция өкілдері өздерінің жеңілгенін мойындады. Дауыс санау әлі жалғасып жатқанымен, Уильям Лайдың жеңіске жетері сөзсіз. Бұл туралы Stan.kz ақпарат агенттігі ВВС-ге сілтеме жасап хабарлайды.
Басқарушы партияның кандидаты, 64 жастағы Уильям Лай (Лай Циндэ) – Демократиялық прогрессивті партия өкілі. Дегенмен Қытай билгілі Лайды "сепаратист" деп атап, Тайвань жұртшылығын, Демократиялық партияға дауыс бермеуге шақырған.
Уильям Лай Бейжіңге экономикалық тәуелділікті азайтып, АҚШ-пен байланысты жақсартуды қолдайды. Ал оның басты қарсыласы – Гоминдань оппозициялық партиясының кандидаты Хоу Юи Қытаймен байланысты нығайтуды ұсынған.
Алдын ала есеп бойынша, дауыс берушілердің 42%-ы Лайға, 34%-ы Хоуға дауыс берген.
Тайваньдағы президент сайлауын әлем елдері бақылап отыр. Себебі тайваньдықтар Қытайдан бөлініп шығатынын мәлімдесе, Бейжің соғыс бастауы мүмкін. Сондай-ақ сайлау алдында Тайвань аралы маңында әскери құрылымдардың белсенділігі артқан.
Тайвань қорғаныс министрлігінің ақпаратына сәйкес арал маңында 8 Қытай ұшағы ұшып жүр. Олардың біреуі таңғы 6:00 шамасында әуе шекарасы кеңістігін бұзған. Бұдан бөлек 6 қытайлық әскери кеме аралды қоршап алған.
Бұған дейін АҚШ Қытай тарапынан қысым жасалса, жанжалға араласуына тура келетінін мәлімдеген.
Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.