Елімізде ұлттық гидрология қызметі құрылады. Мұндай қаулыға үкімет қол қойды. Бұл туралы Stan.kz ақпарат агенттігі хабарлайды.
Фото: rgo.ru
Үкімет "Қазгидрогеология" гидрология қызметін құру туралы қаулыға қол қойды.
Коммерциялық емес акционерлік қоғамның негізгі қызметі – жерасты су ресурстарын басқаруды цифрландыру, гидрогеология саласында деректер базасын және тұрақты жұмыс істейтін геоақпараттық жүйелерді құру. Сонымен қатар жерді қашықтықтан зондтау деректерін пайдалана отырып, цифрлық және картографиялық деректер базасын жасап, басқару.
Қаулыға сәйкес су ресурстары және ирригация министрлігі мен қаржы министрлігі ұлттық гидрогеологиялық қызметтің жарғысын бекітеді.
Ұйымды әділет органдарында тіркеу, мемлекеттік тіркеу, қаржы-шаруашылық қызметті жүзеге асыру және ұйымның мүдделерін үшінші тұлғалар алдында ұсынып, құжаттарға қол қою үшін тұлғаны таңдауы тиіс.
"Қазір ел экономикасында жер асты суларын пайдалану үлесі 7-10% құрайды. Біз бұл ресурстарды ауыз сумен жабдықтау, суару және жайылымдық мал шаруашылығы үшін белсенді пайдалануға ниеттіміз. Құрылып жатқан ұлттық гидрогеологиялық қызмет елдің жерасты су ресурстарын барлау мен қорғауды қамтамасыз етуге арналған", – деді Су ресурстары және ирригация министрі Нұржан Нұржігітов.
Айта кетейік, Денсаулық сақтау министрлігі еліміздің бірқатар өңіріндегі су тасқыны жағдайына байланысты тағамнан улану мен жұқпалы аурулардың алдын алу мақсатында бірқатар ұсыныс жариялады.
Жанара — исследовательница культуры и традиций. Ее статьи поднимают важные темы многообразия культур Казахстана.