Танымал дизайнер Аида Кауменова шыққан әулеті туралы “Жұлдызды шаңырақ” бағдарламасында айтып берді. 

Фото: Бағдарламадан үзінді

Сән әлемінің жұлдызы әңгімесін ата-анасынан бастады. 

“Жақында ата-анам Алматыға келіп кетті. Қазір олар Сарқан қаласында тұрып жатыр. Әкем Жетісу өңірінің жігіті. Биыл біздің отбасы үшін жақсы жыл болды. Інім үлкен үй салып, жаңа үйге қоныс аударды. 5 баланың әкесі. Бала күнімізде інім екеуіміз не ішеміз, не киеміз деп уайымдамай өскенбіз. Әкем мамандығы бойынша экономист. Өте мықты адам, менің мінезім әкеме ұқсаған. Әкем мен анам Алматыда кинотехникумда бірге оқыған, алғашында дос болып араласып жүрген. Бір күні әкем анама "Лариса, сені анаммен таныстыру үшін ауылға апарғым келіп отыр" деп айтқан, анам ол кезде қазақтың ешқандай салт-дәстүрін білмегендіктен, келісіп, ауылға барыпты. Содан ауылдағы үйге кіргеннен туыстар шашу шашып, ақ орамал жапқан. Анам көніп, қалыпты. Анам ұлты басқа болғанымен, қазақ тілінде бізден жақсы сөйлейді. Басқа ұлт өкілі болса да, тастай батып, судай сіңді", – деп күлді дизайнер. 

  • Израильде жаппай наразылықтар басталды

  • Мәскеу соты терроризмге қатысты күдікке ілінгендерге бұлтартпас шарасын тағайындады

Сонымен қатар, сәнгер ата-әжелері туралы да айтып берді. 

"Кішкентай кезімде бір апам орыс, екіншісі қазақ болатын. Орыс апамның қолына барсам, орысша сөйлеп кететінмін, кейін қазақ апама келсем, үндемей отыратын едім. Өйткені, қай тілде сөйлейтінімді білмейтінмін. Содан олар "мына қызды енді ешқайда жібермеу керек, үндемей қалыпты" деп әзілдейтін. Негізі бойымда үш ұлттың қаны бар, яғни беларусь, татар, қазақ", – деді дизайнер. 


Автор: Гульжан Оразбаева

Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.