Сабақ Тақырыбы: Қайталау сабақтары. Геометрияға бастама Мақсат

жүктеу 156.27 Kb.

Дата	22.09.2017
өлшемі	156.27 Kb.
түрі	Сабақ

№ 1 сабақ

	Тақырыбы: Қайталау сабақтары. Геометрияға бастама
	Мақсат:
				Жаңа білім			7-сыныпта өткен тақырыптарды есіне түсіреді. Кесінді нүктелердің жиынтығынан құралғандығын тұжырымдайды. Сәуленің қаншама нүктелердің жиынтығынан құралғандығын біледі.
				Жаңа түсінік			Вертикаль, сыбайлас бұрыштардың қандай болатындығына мысал келтіреді. Вертикаль, сыбайлас бұрыштардың ең көп дегенде қанша градусқа тең екендігін болжайды.
				Қолданым әрекеті			Екі түрлі жазықтықта жатқан фигуралардың тең болып, болмауының сырын ашады. Вертикаль бұрыштар мен сыбайлас бұрыштарының арасындағы байланысты анықтайды.
				Талдау әрекеті			Берілген теореманың кері теоремасының бар екендігін қорытып шығарады.
				Шығармашылық әрекет			Өздері қалаған бір теоремаға кері теорема жазады
				Бағамдау әрекеті			Геометрия ғылымындағы нүктенің, түзудің және жазықтықтың өзара байланысын анықтайды. Терминдердің дұрыс түсіндірмесін береді.
	Сабақ құрылымы:
			І. Ақпарат алмасу (14 мин.). ІІ. Алғашқы бекіту (4 мин.). ІІІ. Құзырлылық қалыптастыру (16 мин.). ІV. Шығармашылық қалыптастыру (8 мин.). V. Бағамдау - бағалау (3 мин.).
	Сабақ типі: фронтальді, жұптық
	Оқыту әдісі: репродуктивті, ішінара ізденушілік.
	Мұғалім іс-әрекетінің тәсілі:
			Оқушыға жол сілтеу, бағыт беру және оқушының индивидуалдық қасиеттерін дамыту.
	Негізгі ұғымдар мен терминдер:
	Оқушыда дағды қалыптастыру:
		Тақырып бойынша әртүрлі ерекше сұрақтарды шешу, белгілеген мақсатқа қол жеткізу, өзін-өзі дамыту, топпен жұмыс істеу және топ жұмысының нәтижесін көру, өз ойын сынып алдында қорғай білу, өзгелердің жауабын көңіл бөліп оларды талдау.
	Ақпарат көздері:
			Қайдасов, Ж., Досмағанбетова, Г., Абдиева, А. Геометрия 7 сынып оқулығы. Алматы «Мектеп», 2012. Жаров, В.А., Марголите П.С., Скопец, З.А. Геометрия бойынша Сұрақтар мен Тапсырмалар. Москва, Просвещение, 1965. Вертикаль бұрыштар. Онлайн сурет. http://www.fxyz.ru/ Жазықтықтың анықтамасы. Онлайн информация. http://kk.wikipedia.org/wiki/
	Оқушы жетістігін бағалау: Оқушыға сабақ блоктарының деңгейлік тапсырмаларын уақытылы орындауы, топтық жұмысқа қатысуы мен үй жұмысын
					орындауына байланысты баға қойылады.
	Үй тапсырмасы:
					Сыбайлас бұрыштардың біреуі екіншісіне қарағанда 8 есе кіші. Сыбайлас бұрыштардың үлкенін табыңыз.
САБАҚ БЛОКТАРЫ ○
						і. аҚПАРАТ алмасу

Тақырып жоспары:

1. Нүкте, түзу, сәуле, кесінді және жазықтықты қайталау

2. Фигуралардың теңдігі

3.Геометрия аксиомалары

4.Теорема

5. Сыбайлас және вертикаль бұрыштар және олардың қасиеттері

Слайдтар:

1 – слайд (титул)

2 – слайд Сабақтың мақсаты

3 – слайд Тақырып жоспары

4 – слайд Қайталау сабақтары. Геометрияға бастама

5 – слайд Нүкте – фигуралардың негізгі құраушы бөлігі

Нүкте геометрияның негізгі ұғымдарының бірі. Нүкте – кеңістікте орналасқан белгілі бір көлемі, ауданы, ұзындығы және басқа да өлшем бірлігі жоқ объект.
Кез келген басқа геометриялық фигуралар нүктелердің жиынтығынан құралады

6 – слайд Түзу

Түзу геометрияның негізгі ұғымдарының бірі. Түзу деп нүктелердің бір қисық емес сызық бойындағы жиынын айтамыз.
Нүктелерді біріктіріп түзу кесіндісін салу үшін біз сызғышты қолданамыз.

7 – слайд Сәуле

Түзудегі қандай да О нүктесімен бірге оның бір жағында орналасқан нүктелер жиыны сәуле деп аталады.

q сәулесі

8 – слайд Кесінді

Түзудің берілген екі нүктесі мен олардың арасында жатқан барлық нүктелерінен тұратын бөлігін кесінді деп атайды.

9 – слайд Жазықтық

Жазықтық — геометрияның негізгі ұғымдарының бірі. Геометрияның жүйелі курсын тұжырымдағанда жазықтық ұғымы бастапқы ұғым ретінде алынады. Ол екі өлшемді бейнелейді.

10 – слайд Фигуралардың теңдігі

Өлшемі және пішіні тең екі фигура тең фигуралар деп аталады

Мысалы:

Екі кесінді тең, егер олардың ұзындықтары тең болса.

11 – слайд Геометрия аксиомалары

Ақиқаттығы дәлелдеусіз қабылданатын сөйлем аксиома деп аталады.

Мысалы:

Қандай түзуді алсақ та, ол түзуге тиісті нүктелер де, оған тиісті емес нүктелер де бар болады.
Kез келген екі нүкте арқылы бір ғана түзу жүргізуге болады.

12 – слайд Теорема

Теорема – дәлелдеуді қажет ететін тұжырымдама
Теоремалардың кері теоремасы болады. Бірақ, барлық теореманың кері теоремасы жоқ.

13 – слайд Теорема

Мысалы:

1) Егер үшбұрыштың бір төбесінен түсірілген биссектрисасы, медианасы және биіктігі, барлығы, беттессе, онда бұл үшбұрыш – теңбүйірлі үшбұрыш.

Осы теоремаға кері теорема:

2) Егер үшбұрыш теңбүйірлі болса, онда оның екі тең бүйірі қиылысқан төбесінен түсірілген биссектрисасы, медианасы және биіктігі, барлығы, беттеседі.

14 – слайд Сыбайлас бұрыштар

Сыбайлас бұрыштар деп бір қабырғасы ортақ болған, жазық бұрыштың екі бөлігін айтамыз.

ысалы:

Сыбайлас бұрыштардың қосындысы 180^o - қа тең. Өйткені олар жазық бұрыштың екі бөлігі.

15 – слайд Вертикаль бұрыштар

Екі қабырға қиылысып, пайда болған төрт бұрыштың тең бұрыштарын – вертикаль бұрыштар дейміз.

∠AOC мен ∠DOB вертикаль бұрыштар

∠COB мен ∠AOD вертикаль бұрыштар

Олар өзара тең!

іі. алғашқы бекіту

Мына кестені толтыра отырып сабақтың мазмұны бойынша қорытынды шығар.

Сыбайлас бұрыштар мен вертикаль бұрыштардың айырмашылығы	Геометрияның негізгі ұғымдарын атаңыз	Теорема мен аксиоманың айырмашылығы

Қорытынды:___________________________________________________________

ііі. құзырлылық қалыптастыру

 Деңгейлік тапсырмалар:

І деңгей тапсырмалары

Кесінді нүктелерден жиынтығынан құралған ба?
Бір сәуле неше нүктелердің жиынтығынан құралған деп ойлайсыз?
Егер кесінді нүктелерден құралған болса, жазықтық кесінділердің жиынтығынан құралған деуге бола ма?
Сыбайлас бұрыш бола алатын екі бұрышты атаңыз
Вертикаль бұрыш бола алатын екі бұрышты атаңыз
Сыбайлас бұрыш ең көп дегенде қанша градусқа тең бола алады?
Вертикаль бұрыш ең көп дегенде қанша градусқа тең бола алады?

ІІ деңгей тапсырмалары

Екі түрлі жазықтықта жатқан фигуралар тең бола ала ма?
Екі кесінді бір нүктеде қиылысып, төрт бұрыш пайда болды.
Сол бұрыштардың ішіндегі сыбайлас бұрыштардың бірі 60^o-қа тең, ал вертикаль бұрыштардың бірі 120^o-қа тең. Осы айтылған тұжырымдама дұрыс па? Осындай вертикаль және сыбайлас бұрыштар табылады ма?

ІІІ деңгей тапсырмалары

“Сыбайлас бұрыштардың қосындысы 180^o-қа тең”. Осы тұжырымдаманы теорема деп алып, осы теореманың кері теоремасын жазыңыз.

іV. шығармашылық әрекет

 Топтық жұмыс.

Сыныптағы оқушылар үш топқа бөлініп келесі тапсырманы орындайды.

І топ	ІІ топ	ІІІ топ
Сыбайлас бұрыштардың қатынасы 2:7 қатынасындай. Сыбайлас бұрыштардың кішісін табыңыз.	Екі түзу қиылысқанда шығатын бұрыштардың екеуінің айырымы -қа тең. Осы бұрыштардың кішісін табыңыз.	Сыбайлас бұрыштардың біреуі екіншісіне қарағанда -қа артық. Сыбайлас бұрыштарды табыңыз.

V. бағамдау-бағалау

Сабақтың мақсатына қалай қол жеткізгендігің туралы эссе жаз.

______________________________________________________________________

№ 2 сабақ

Тақырыбы: Үшбұрышты қайталау.
Мақсат:
		Жаңа білім		7-сыныпта өткен үшбұрыштардың теңдік қасиеттерін есіне түсіреді. Үш қабырғасы тең үшбұрыштың, тең бүйірлі үшбұрыш болып, болмауын анықтайды. Катет пен гипотенузаны салыстыруды есіне түсіреді.
		Жаңа түсінік		Екі тікбұрышты үшбұрыштың сүйір бұрыштары тең болса, олардың тең үшбұрыштар болып, болмауын айырып таниды. Үшбұрыштардың бұрыштарының қандай градусқа тең бола алатындығын түсінеді.
		Қолданым әрекеті		Үшбұрыштың қабырғаларын берілген бір бұрышы мен қабырғасын қолдану арқылы есептеп шығарады. Үшбұрыштың бұрыштары мен қабырғалары арасындағы байланысын анықтайды.
		Талдау әрекеті		Тең қабырғалы үшбұрыш пен тең бүйірлі үшбұрыштың теңдік белгілерінің байланысын анықтайды
		Шығармашылық әрекет		Үшбұрыштардың ішкі бұрыштары туралы теореманы қайта қарайды.
		Бағамдау әрекеті		Үшбұрыштардың теңдік белгілерін ерекшелейді. Теңбүйірлі үшбұрыштардың түсіндірмесін береді. Үшбұрыштың ішкі бұрыштарын есептейді.
Сабақ құрылымы:
			І. Ақпарат алмасу (14 мин.). ІІ. Алғашқы бекіту (4 мин.). ІІІ. Құзырлылық қалыптастыру (16 мин.). ІV. Шығармашылық қалыптастыру (8 мин.). V. Бағамдау - бағалау (3 мин.).
Сабақ типі: фронтальді, жұптық
Оқыту әдісі: репродуктивті, ішінара ізденушілік.
Мұғалім іс-әрекетінің тәсілі:
			Оқушыға жол сілтеу, кей кездері көмектесу және оқушының индивидуалдық қасиеттерін дамыту.
Негізгі ұғымдар мен терминдер: Үшбұрыш, үшбұрыштың теңдігі, тікбұрышты үшбұрыш, бұрыш, қатынас, тікбұрышты үшбұрыштың теңдігі, параллель түзулер.
Оқушыда дағды қалыптастыру:
			Тақырып бойынша әртүрлі ерекше сұрақтарды шешу, белгілеген мақсатқа қол жеткізу, өзін-өзі дамыту, топпен жұмыс істеу және топ жұмысының нәтижесін көру, өз ойын сынып алдында қорғай білу, өзгелердің жауабын көңіл бөліп оларды талдау.
Ақпарат көздері: Қайдасов, Ж., Досмағанбетова, Г., Абдиева, А. Геометрия 7 сынып оқулығы. Алматы «Мектеп» 2012
	Оқушы жетістігін бағалау: Оқушыға сабақ блоктарының деңгейлік тапсырмаларын уақытылы орындауы, топтық жұмысқа қатысуы мен үй жұмысын орындауына байланысты баға қойылады.
	Үй тапсырмасы: Үшбұрыштың периметрі 12 сантиметрге тең. Оның қабырғаларының орталары біртіндеп кесінділермен қосылған. Пайда болған үшбұрыштың периметрін табыңыз.
САБАҚ БЛОКТАРЫ ○

і. аҚПАРАТ алмасу

Тақырып жоспары:

1. Үшбұрыштар теңдігінің белгілері

2. Теңбүйірлі үшбұрыштың анықтамасы

3. Тікбұрышты үшбұрыштар теңдігінің белгілері мен қасиеттері

4. Үшбұрыштың қабырғалары мен бұрыштарының арасындағы қатынастар

5. Параллель түзулердің белгілері мен қасиеттері

Слайдтар:

1 – слайд (титул)

2 – слайд Сабақтың мақсаты

3 – слайд Тақырып жоспары

4 – слайд Үшбұрыштар теңдігінің бегілері

Егер бір үшбұрыштың екі қабырғасы және олардың арасындағы бұрышы екінші үшбұрыштың сәйкес екі қабырғасы мен олардың арасындағы бұрышына тең болса, онда мұндай үшбұрыштар тең болады.

5 – слайд Үшбұрыштар теңдігінің бегілері

Егер бір үшбұрыштың бір қабырғасы мен оған іргелес жатқан екі бұрышы екінші үшбұрыштың сәйкес қабырғалары мен оған іргелес жатқан екі бұрышына тең болса, онда мұндай үшбұрыштар тең болады.

6 – слайд Үшбұрыштар теңдігінің бегілері

Екі үшбұрыштың сәйкес үш қабырғасы да тең болса, онда ол екі үшбұрыш тең.

7 – слайд Теңбүйірлі үшбұрыштың анықтамасы

Теңбүйірлі үшбұрыш деп кез-келген екі қабырғасы тең үшбұрышты айтамыз.

8– слайд

Тікбұрышты үшбұрыштар теңдігінің белгілері

*Екі тікбұрышты үшбұрыш тең егер олардың гипотенузасы және бір сүйір бұрышы тең болса.

9 – слайд

Тікбұрышты үшбұрыштар теңдігінің белгілері

*Екі тікбұрышты үшбұрыштың бір-бір катеттері мен оларға қарсы жатқан сүйір бұрыштары тең болса, олар тең үшбұрыштар болады.

10 – слайд Тікбұрышты үшбұрыштар теңдігінің белгілері

Екі тікбұрышты үшбұрыш тең егер олардың сәйкес екі катеттері тең болса.

11 – слайд

Тікбұрышты үшбұрыштар теңдігінің белгілері

Екі тікбұрышты үшбұрыш тең егер олардың бір катеті және гипотенузасы тең болса.

12 – слайд Үшбұрыштың қабырғалары мен бұрыштарының арасындағы қатынастар

Үшбұрыштың қабырғалары мен бұрыштары бір-біріне тәуелді. Мысалы: екі бұрышы тең болса, онда екі қабырғасы тең болады. Үш қабырғасы тең болса, онда үш бұрышы тең болады. Егер, бір бұрышы үлкен болса, онда оған қарама-қарсы жатқан қабырғасы да үлкен болады

13 – слайд Параллель түзулердің белгілері мен қасиеттері

Параллель түзулер деп ешқашан қиылыспайтын түзулерді айтамыз.

Екі параллель түзу басқа бір түзумен қиылысса, екеуі де бірдей бұрыш жасап қиылысады.

14 – слайд Үшбұрыштың бұрыштарының қосындысы

Ү
α + β + γ = 180^o

шбұрыштың ішкі бұрыштарының қосындысы 180^o- қа тең.

іі. алғашқы бекіту

Мына кестені толтыра отырып сабақтың мазмұны бойынша қорытынды шығар.

Үшбұрыштың ішкі бұрыштарының қосындысы	Үшбұрыштардың теңдігінің неше түрі бар. Атап бер	Тікбұрышты үшбұрыштардың теңдігінің неше түрі бар.

Қорытынды:___________________________________________________________

ііі. құзырлылық қалыптастыру

Деңгейлік тапсырмалар:

І деңгей тапсырмалары

Екі үшбұрыштың үш қабырғасы және үш бұрышы тең, олар тең үшбұрыштар ма?
Барлық қабырғасы тең үшбұрыш тең бүйірлі үшбұрыш па?
Екі тікбұрышты үшбұрыштың сүйір бұрыштары тең, олар тең
үшбұрыштар ма?
Бір катеті және бір бұрышы (сүйір бұрышы болмауы да мүмкін) тең тікбұрышты үшбұрыштар, тең үшбұрыштар ма?
Катет гипотенузадан үлкен болуы мүмкін бе?
Екі тікбұрышты үшбұрыш тең егер олардың сәйкес екі катеттері тең болса. Осы берілген теоремаға кері теорема жазыңыз.
Үшбұрыштың бір бұрышы 179^o-қа тең болуы мүмкін бе?

ІІ деңгей тапсырмалары

Үшбұрыштың екі бұрышы 60^o-қа тең және бір қабырғасы 1 см-ге тең. Қалған қабырғаларының ұзындықтарын табыңыз.
Егер ВС>AC>AB болса, онда үшбұрыштың бұрыштарын өсу ретімен жазыңыз.

ІІІ деңгей тапсырмалары

Тең қабырғалы үшбұрыштың теңдік белгілерінен біреуін атаңыз.

іV. шығармашылық әрекет

 Топтық жұмыс.

Сыныптағы оқушылар үш топқа бөлініп келесі тапсырманы орындайды.

І топ

Үшбұрыштың периметрі 36 см, ал қабырғаларының ұзындықтарының қатынасы 2:3:4 қатынасындай. Үшбұрыштың қабырғаларын табыңыз.

ІІ топ

Үшбұрыштың барлық қабырғалары берілген. 3, 4, 5. Оған ұқсас үшбұрыштың периметрі 24-ке тең. Екінші үшбұрыштың үлкен қабырғасын табыңыз.

ІІІ топ

Тең бүйірлі үшбұрыштың периметрі 7,5 м-ге тең, ал бүйір қабырғасы 2 см-ге тең. Табанын табыңыз.

V. бағамдау-бағалау

Сабақтың мақсатына қалай қол жеткізгендігің туралы эссе жаз. ____________________________________________________________________________________________________________________________________________

Каталог: sabaq-kz -> attachment
attachment -> 1 қыркүйек – Білім күніне арналған Сыңғырла, күміс қоңырау
attachment -> «А. Имановтың жастарды патриоттық және азаматтық тәрбиелеу негізі ретіндегі рөлі» Карашинова Алмагүл Серікбайқызы
attachment -> Б. С. Батешова, Т. Н. Малдыбаев
attachment -> Сабақтың тақырыбы: «Қауіпсіз ғаламтор»
attachment -> Сабақтың түрі: Жаңа білімді хабарлау Уақыты: 90 мин Сабақтың педагогикалық мақсаты
attachment -> Сабақтың тақырыбы: ежелгі тас дәуірі Сабақтың мақсаты
attachment -> Сабақтың атауы XX ғасырдағы қазақ әдебиеті жалпы шолу Мақсаты Күтілетін нәтиже
attachment -> Туєан жер, алтын бесіік
attachment -> Қазақ тілі мен әдебиет пәні мұғалімі Ибрагим Бегімхан Керімханұлы Қазақ әдебиеті, 9-сынып Тақырыбы: Қожа Ахмет Йасауи «Диуани хикмет»

Достарыңызбен бөлісу: