Атырауда мектептердің бірінде жасөспірімдердің дәлізде бір-біріне әлімжеттік көрсетіп, ұрып-соққан видеосы тарады. Деректерге сай оқиға қоңырау кезінде орын алған. Бұл туралы Stan.kz ақпарат агенттігі хабарлайды. 

Сурет желі кадрларынан скринделген

Желіде тараған видеодан оқушының дәлізде тұрған екінші оқушыға барып, сөйлескенін көруге болады. Кейін бұл оқушы кетіп бара жатқан жерінен қайта айналып келіп, тұрған баланың бетінен аяғымен теуіп жіберген. 

Сонымен қатар жазбада оқиғаның Атырау қаласының №42 мектебінде болғаны айтылған. Тіпті бұл мектепте оқушылар арасында әлімжеттік барр деген де мәліметтер таралды.

Желі қолданушылары: “Ата-анасын жазалау керек”, “Теуіп соғып тұрған баланы оқудан шығаруын талап ету керек. Ата-анасы өздері үйінен оқытсын”, “Демек ата-анасы да сондай, мұндайлардың қолын сындыру керек”, “Жәбірленген балаға моральдық шығын төлесін”, – деп пікір қалдырды.

Бұл оқиғаға қатысты Stan.kz тілшісі сұрауына Атырау қалалық білім бөлімі жауап беріп, мектепте әлімжеттік фактілері анықталмағанын мәлімдеді. 

“Атырау қалалық Білім бөліміне қарасты "№42 Нұрлан Балғымбаев атындағы жалпы білім беретін мектеп" коммуналдық мемлекеттік мекемесінде, 2024 жылдың 12 ақпанда сабақтан соң 19:20 шамасында оқушылар арасында келіспеушілік болған. Желіде тараған видеодағы екі сыныптың оқушысы бір-бірінің сөздерін көтермей, келісе алмай қалған. Мектепте ешқандай ақша сұрау, бопсаулау, әлімжеттік жасау фактісі анықталған жоқ. Ата-аналармен де, оқушылармен де түсіндірме жұмыстары жүргізілуде”, – деді қалалық білім бөлімінің басшысы Айнагүл Дүйсекенова. 

  • Қазақстан мектептерінде жыныстық сауат сабағы енгізіле ме – Тамара Дүйсенова жауап берді

  • "Күнәлары үшін жауап береді": Қостанайда 10 жастағы оқушы мектепте атыс болатынын хабарлаған

Бөлім басшысы бүгінде мектепте әлімжетік пен бопсалауға, кибербуллингтен қорғану туралы сынып сағаттары өткізіліп жатқанын алға тартты. 

“Аталған факт бойынша құқық бұзушылыққа жол бергендер мен куәгерлер полиция бөліміне жеткізілді. 12 жастағы оқушы әкесінің арыз шағымы бойынша 2011 жылы туған жасөспірімнің заңды өкіліне Әкімшілік құқық бұзушылық туралы кодекстің 127-бабы 1-бөлігімен (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) әкімшілік хаттама жасақталып сот-медицалық сараптамасы тағайындалды”, – деді басқарма башсысы.


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.