«Сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін иеленуге келісім беру» мемлекеттік қызметтер стандарты



Дата14.03.2018
өлшемі167.89 Kb.
#21079




Қазақстан Республикасы

Президентiнiң

2011 жылғы

14 желтоқсандағы № 196

Жарлығымен

БЕКIТIЛГЕН





«Сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін иеленуге келісім беру»

мемлекеттік қызметтер

СТАНДАРТЫ



  1. Жалпы ережелер

 

1. Мемлекеттік қызметтер 050000, Алматы қаласы, Әйтеке би көшесі,


67 мекенжайында орналасқан Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті
(бұдан әрі – Комитет) көрсетеді.

2. Көрсетілетін мемлекеттік қызметтер нысаны: автоматтандырылмаған.

3. Мемлекеттік қызметтер «Сақтандыру қызметтері туралы» 2000 жылғы
18 желтоқсандағы Қазақстан Республикасының Заңы (бұдан әрі – Заң)
26-бабының, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Банктің, банк холдингінің ірі қатысушысы, сақтандыру (қайта сақтандыру) ұйымының, сақтандыру холдингінің ірі қатысушысы, ашық жинақтаушы зейнетақы қорының ірі қатысушысы мәртебесін иеленуге келісімді беру, беруден бас тарту, қайтарып алу ережесін бекіту туралы» 2008 жылғы 25 қаңтардағы
№ 7 қаулысының (бұдан әрі – Ереже) негізінде көрсетіледі.

4. Мемлекеттік қызметтер стандарты Қазақстан Республикасы Ұлттық Банкінің: www.nationalbank.kz интернет-ресурсында («Ұлттық Банктің мемлекеттік қызметтері» бөлімі) орналастырылады, сондай-ақ ол Қазақстан Республикасының бүкіл аумағында таралатын бұқаралық ақпарат құралдарында жарияланған. Қосымша ақпаратты 8 (727) 2619-226,


2788-104 телефондар арқылы алуға болады.

5. Көрсетілетін мемлекеттік қызметтердің нәтижесі – Қазақстан Республикасының Ұлттық Банкі Басқармасының сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін иеленуге келісім беру (беруден бас тарту) туралы қаулысы.

6. Мемлекеттік қызметтер жеке және заңды тұлғаларға
(бұдан әрі – өтініш беруші) көрсетіледі.

7. Мемлекеттік қызметтер өтініш беруші осы Стандарттың 11-тармағында белгіленген құжаттар пакетін ұсынған күннен бастап үш ай ішінде көрсетіледі.

8. Мемлекеттік қызметтер тегін көрсетіледі.

9. Өтініш берушілердің сақтандыру холдингі немесе сақтандыру


(қайта сақтандыру) ұйымының ірі қатысушысы мәртебесін иеленуге келісім беру туралы өтініш түрінде жіберілген жазбаша нысандағы өтініштері бойынша мемлекеттік қызметтер сенбі, жексенбі, демалыс және мереке күндерінен басқа күндері, сағат 13.00-ден 14.00-ге дейінгі түскі үзіліспен, сағат 9.00-ден 18.00-ге дейін көрсетіледі.

Осы мемлекеттік қызметтер бойынша алдын-ала жазылу, сондай-ақ жедел қызметтер көрсету болмайды.

10. Мемлекеттік қызметтер Комитеттің үйінде көрсетіледі. Комитет үйінің кіреберісі дене мүмкіндіктері шектеулі адамдарға қолжетімді болуы үшін пандустармен жабдықталған.

Мемлекеттік қызметтер көрсету кезінде кезектілік болмайтындықтан күту залы қарастырылмаған.

 
2. Мемлекеттік қызметтер көрсету тәртібі

 

11. Мемлекеттік қызметтерді алу үшін Комитетке:



1) жеке тұлға:

Ережеде көзделген мәліметтер көрсетілген өтінішті;

сақтандыру (қайта сақтандыру) ұйымының акцияларын сатып алуға пайдаланылатын қаржы көздері мен қаражаттардың сипаттамасын қоса алғанда, растайтын құжаттарды қоса бере отырып, сақтандыру
(қайта сақтандыру) ұйымының акцияларын, оның ішінде бұрын сатып алынғандарын сатып алу шарттары мен тәртібі туралы мәліметтерді;

өтініш берушінің мүдделерін білдіру тапсырылатын өтініш берушінің өкіліне берілген сенімхатты (ол бар болса);

өтініш беруші ірі қатысушысы болып табылатын заңды тұлғалардың тізімін және олардың құрылтайшы құжаттарының нотариат куәландырған көшірмелерін;

сақтандыру (қайта сақтандыру) ұйымының қаржылық жағдайының нашарлауы ықтимал болған жағдайда сақтандыру (қайта сақтандыру) ұйымын қайта капиталдандыру жоспарын;

растайтын құжаттардың көшірмелерін қоса берілген өтініш берушінің мінсіз іскерлік беделі туралы мәліметтерді;

кірістері мен мүлкі туралы мәліметтерді, сондай-ақ Қазақстан Республикасының заңнамалық актілерінде көзделген жағдайларда салық органдарына тапсырылатын жеке табыс салығы жөніндегі декларацияның көшірмесін және жеке тұлға тұратын елдің уәкілетті тұлғалары растаған өзге де құжаттарды;

Қазақстан Республикасы Ұлттық Банкінің нормативтік құқықтық актілерінде көзделген нысан бойынша білімі, еңбек қызметтері туралы мәліметтерді қоса алғанда өтініш беруші туралы қысқаша деректерді;

Қазақстан Республикасының резиденті емес жеке тұлға тұратын елдің тиісті мемлекеттік органының Қазақстан Республикасының


резиденті - сақтандыру (қайта сақтандыру) ұйымының акцияларын сатып алу осы елдің заңнамасында рұқсат етілгені туралы жазбаша растауын не тиісті мемлекеттің уәкілетті органының аталған құрылтайшы мемлекеттің заңнамасы бойынша мұндай рұқсат талап етілмейтіні туралы мәлімдемесін;

2) Қазақстан Республикасының резиденті заңды тұлға:

сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін алуға келісім беру туралы өтінішті;

сақтандыру (қайта сақтандыру) ұйымының акцияларын сатып алу туралы өтініш берушінің жоғарғы органы шешімдерінің көшірмесін;

сақтандыру (қайта сақтандыру) ұйымының акцияларын сатып алуға пайдаланылатын қаржы көздері мен қаражаттардың сипаттамасын қоса алғанда, растайтын құжаттарды қоса бере отырып, сақтандыру
(қайта сақтандыру) ұйымының акцияларын, оның ішінде бұрын сатып алынғандарын сатып алу шарттары мен тәртібі туралы мәліметтерді;

өтініш берушінің мүдделерін білдіру тапсырылатын өтініш берушінің өкіліне берілген сенімхатты (ол бар болса);

өтініш беруші ірі қатысушысы болып табылатын заңды тұлғалардың тізімін және олардың құрылтай құжаттарының нотариат куәландырған көшірмелерін;

сақтандыру (қайта сақтандыру) ұйымының қаржылық жағдайының нашарлауы ықтимал болған жағдайда сақтандыру (қайта сақтандыру) ұйымын қайта капиталдандыру жоспарын;

өтініш берушінің басшы қызметкерлерінің мінсіз іскерлік беделі туралы мәліметтерді;

құрылтай құжаттарының нотариат куәландырған көшірмелерін, өтініш берушінің ірі қатысушылары туралы, сондай-ақ өтініш берушінің ірі қатысушыларының ірі қатысушылары туралы қысқаша деректерді;

Қазақстан Республикасы Ұлттық Банкінің нормативтік құқықтық актілерінде көзделген нысан бойынша білімі, еңбек қызметтері туралы мәліметтерді қоса алғанда өтініш берушінің басшы қызметкерлері туралы қысқаша деректерді;

аяқталған соңғы екі қаржы жылының аудиторлық ұйым куәландырған жылдық қаржылық есептілігін, сондай-ақ тиісті өтінішті табыс етер алдындағы аяқталған соңғы тоқсанның қаржылық есептілігін;

өтініш берушінің және сақтандыру (қайта сақтандыру) ұйымының мәртебені алғаннан кейінгі болжамдалатын есептеу балансын қоса алғанда сақтандыру (қайта сақтандыру) ұйымының ірі қатысушысы мәртебесін иеленудің қаржылық салдарының талдауын, егер бар болса, өтініш берушінің сақтандыру (қайта сақтандыру) ұйымының активтерін сату, сақтандыру
(қайта сақтандыру) ұйымын қайта ұйымдастыру немесе сақтандыру
(қайта сақтандыру) ұйымының қызметтеріне немесе басқаруына
(бизнес жоспары мен ұйымдық құрылымын қоса алғанда) елеулі өзгерістер енгізу жөніндегі жоспарлары мен ұсыныстарын;

3) Қазақстан Республикасының резиденті емес заңды тұлға:

сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін алуға келісім беру туралы өтінішті;

сақтандыру (қайта сақтандыру) ұйымының акцияларын сатып алуға пайдаланылатын қаржы көздері мен қаражаттардың сипаттамасын қоса алғанда, растайтын құжаттарды қоса бере отырып, сақтандыру


(қайта сақтандыру) ұйымының акцияларын, оның ішінде бұрын сатып алынғандарын сатып алу шарттары мен тәртібі туралы мәліметтерді;

өтініш берушінің мүдделерін білдіру тапсырылатын өтініш берушінің өкіліне берілген сенімхатты (ол бар болса);

өтініш беруші ірі қатысушысы болып табылатын заңды тұлғалардың тізімін және олардың құрылтай құжаттарының нотариат куәландырған көшірмелерін;

сақтандыру (қайта сақтандыру) ұйымының қаржылық жағдайының нашарлауы ықтимал болған жағдайда сақтандыру (қайта сақтандыру) ұйымын қайта капиталдандыру жоспарын;

сақтандыру (қайта сақтандыру) ұйымының акцияларын сатып алу туралы өтініш берушінің жоғарғы органы шешімінің көшірмесін;

өтініш берушінің басшы қызметкерлерінің мінсіз іскерлік беделі туралы мәліметтерді;

құрылтай құжаттарының нотариат куәландырған көшірмелерін, өтініш берушінің ірі қатысушылары туралы, сондай-ақ өтініш берушінің ірі қатысушыларының ірі қатысушылары туралы қысқаша деректерді;

Қазақстан Республикасы Ұлттық Банкінің нормативтік құқықтық актілерінде көзделген нысан бойынша білімі, еңбек қызметтері туралы мәліметтерді қоса алғанда өтініш берушінің басшы қызметкерлері туралы қысқаша деректерді;

аяқталған соңғы екі қаржы жылының аудиторлық ұйым куәландырған жылдық қаржылық есептілігін, сондай-ақ тиісті өтініш табыс етер алдындағы аяқталған соңғы тоқсанның қаржылық есептілігін;

өтініш берушінің және сақтандыру (қайта сақтандыру) ұйымының мәртебені алғаннан кейінгі болжамдалатын есептеу балансын қоса алғандағы сақтандыру (қайта сақтандыру) ұйымының ірі қатысушысы мәртебесін иеленудің қаржылық салдарының талдауын, егер бар болса, өтініш берушінің сақтандыру (қайта сақтандыру) ұйымының активтерін сату, сақтандыру


(қайта сақтандыру) ұйымын қайта ұйымдастыру немесе сақтандыру
(қайта сақтандыру) ұйымының қызметтеріне немесе басқаруына
(іс-шаралар жоспары мен ұйымдық құрылымын қоса алғанда) елеулі өзгерістер енгізу жөніндегі жоспарлары мен ұсыныстарын;

Заңның 26-бабының 1-тармағында көзделген жағдайларды қоспағанда, тізбесін Қазақстан Республикасының Ұлттық Банкі белгілейтін халықаралық рейтингтік агенттіктердің бірі тағайындаған заңды тұлғаның кредиттік рейтингісі туралы мәліметтерді;

4) Қазақстан Республикасының резиденті емес қаржы ұйымы:

сақтандыру холдингі немесе сақтандыру (қайта сақтандыру) ұйымының ірі қатысушысы мәртебесін алуға келісім беру туралы өтінішті;

сақтандыру (қайта сақтандыру) ұйымының акцияларын сатып алуға пайдаланылатын қаржы көздері мен қаражаттардың сипаттамасын қоса алғанда, растайтын құжаттарды қоса бере отырып, сақтандыру
(қайта сақтандыру) ұйымының акцияларын, оның ішінде бұрын сатып алынғандарын сатып алу шарттары мен тәртібі туралы мәліметтерді;

өтініш берушінің мүдделерін білдіру тапсырылатын өтініш берушінің өкіліне (ол бар болса) берілген сенімхатты;

өтініш беруші ірі қатысушысы болып табылатын заңды тұлғалардың тізімін және олардың құрылтай құжаттарының нотариат куәландырған көшірмелерін;

сақтандыру (қайта сақтандыру) ұйымының қаржылық жағдайының нашарлауы ықтимал болған жағдайда сақтандыру (қайта сақтандыру) ұйымын қайта капиталдандыру жоспарын;

сақтандыру (қайта сақтандыру) ұйымының акцияларын сатып алу туралы өтініш берушінің жоғарғы органы шешімінің көшірмесі;

өтініш берушінің басшы қызметкерлерінің мінсіз іскерлік беделі туралы мәліметтерді;

құрылтай құжаттарының нотариат куәландырған көшірмелерін, өтініш берушінің ірі қатысушылары туралы, сондай-ақ өтініш берушінің ірі қатысушыларының ірі қатысушылары туралы қысқаша деректерді;

Қазақстан Республикасы Ұлттық Банкінің нормативтік құқықтық актілерінде көзделген нысан бойынша білімі, еңбек қызметтері туралы мәліметтерді қоса алғанда өтініш берушінің басшы қызметкерлері туралы қысқаша деректерді;

аяқталған соңғы екі қаржы жылының аудиторлық ұйым куәландырған жылдық қаржылық есептілігін, сондай-ақ тиісті өтінішті табыс етер алдындағы аяқталған соңғы тоқсанның қаржылық есептілігін;

өтініш берушінің және сақтандыру (қайта сақтандыру) ұйымының мәртебені алғаннан кейінгі болжамдалатын есептеу балансын қоса алғанда сақтандыру (қайта сақтандыру) ұйымының ірі қатысушысы мәртебесін иеленудің қаржылық салдарының талдауын, егер бар болса, өтініш берушінің сақтандыру (қайта сақтандыру) ұйымының активтерін сату, сақтандыру


(қайта сақтандыру) ұйымын қайта ұйымдастыру немесе сақтандыру
(қайта сақтандыру) ұйымының қызметтеріне немесе басқаруына
(іс-шаралар жоспары мен ұйымдық құрылымын қоса алғанда) елеулі өзгерістер енгізу жөніндегі жоспарлары мен ұсыныстарын;

Заңның 26-бабының 1-тармағында көзделген жағдайларды қоспағанда, тізбесін Қазақстан Республикасының Ұлттық Банкі белгілейтін халықаралық рейтингтік агенттіктердің бірі тағайындаған заңды тұлғаның кредиттік рейтингісі туралы мәліметтерді;

өтініш беруші шыққан елдің қаржылық қадағалау органының өтініш беруші осы елдің заңнамасы аясында қаржылық қызметтерді жүзеге асыруға уәкілетті болғаны туралы жазбаша растауы, не өтініш беруші шыққан елдің қаржылық қадағалау органының осы елдің заңнамасы бойынша осындай рұқсат талап етілмейтіні туралы мәлімдемесін;

5) өзі тұрған елде шоғырландырылған қадағалауға жатқызылатын сақтандыру (қайта сақтандыру) ұйымының дауыс беруші акцияларының жиырма бес және одан астам пайызын сатып алуға ниет білдірген Қазақстан Республикасының резидент емес қаржы ұйымы Заңның 26-бабының


7-1-тармағына сәйкес:

сақтандыру (қайта сақтандыру) ұйымының ірі қатысушысы мәртебесін алуға келісім беру туралы өтінішті;

Заңның 26-бабының 1-тармағында көзделген жағдайларды қоспағанда, тізбесі Қазақстан Республикасы Ұлттық Банкінің нормативтік құқықтық актісінде белгіленген рейтингтік агенттіктердің бірінің талап етілетін ең төменгі рейтингісінің болуын растайтын құжатты;

өтініш беруші шыққан елдің қаржылық қадағалау органының Қазақстан Республикасының резиденті емес қаржы ұйымының шоғырландырылған қадағалауға жататыны туралы жазбаша растауын;

өтініш беруші шыққан елдің қаржылық қадағалау органының Қазақстан Республикасының резиденті емес қаржы ұйымының сақтандыру холдингі мәртебесін иемденуіне жазбаша рұқсатын (келісімін) не тиісті мемлекеттің уәкілетті органының аталған мемлекеттің заңнамасы бойынша осындай рұқсат (келісім) талап етілмейтіні туралы өтінішін табыс етеді.

12. Мемлекеттік қызметтерді алу үшін өтініш Ережеде көзделген мәліметтерді көрсете отырып, еркін нысанда жасалады.

13. Қажетті құжаттар пакеті 050000, Алматы қаласы, Әйтеке би көшесі, 67 мекенжайы бойынша құжаттарды қабылдауға және тіркеуге уәкілетті жауапты адамға кезек күтпестен тапсырылады (немесе хат-хабарды қабылдау үшін арнайы жабдықталған жәшікке салынады).

14. Өтініш беруші құжаттар пакетін қолма-қол табыс еткен жағдайда, құжаттарды қабылдауға және тіркеуге уәкілетті жауапты адам өтініштің екінші данасына не оның көшірмесіне мөртабанмен «Қабылданды» деген белгі қояды.

Құжаттар пакеті хат-хабарды қабылдау үшін арнайы жабдықталған жәшік арқылы тапсырылған жағдайда мөртабанмен «Қабылданды» деген белгі қойылмайды және құжаттардың алынғаны туралы талон берілмейді.

Хат-хабарды қабылдауға арналған жәшіктен құжаттар күніне кемінде төрт рет (сағат 9.00-де, 11.00-де, 15.00-де және 18.00-де) алынады.

15. Мемлекеттік қызметтер көрсетудің нәтижесі пошта арқылы жіберіледі немесе Комитет бөлімшесінің жауапты орындаушысы тікелей өтініш берушіге немесе тиісті түрде ресімделген сенімхатты ұсынғанда оның уәкілетті өкіліне береді.

16. Сақтандыру (қайта сақтандыру) ұйымының ірі қатысушысы мәртебесін иеленуге келісім беруден бас тарту:

1) осы Стандарттың 11-тармағында көрсетілген құжаттардың толық емес пакеті ұсынылған не ұсынылған құжаттардың Заңның 26-бабында көрсетілген талаптарға сәйкес келмеген;

2) Заңның 34-бабының 2-тармағының 3) - 5) тармақшаларының талаптары сақталмаған жағдайда (жеке тұлға немесе өтініш беруші заңды тұлғаның басшы қызметкерлеріне қатысты);

3) өтініш берушінің қаржылық жағдайы тұрақсыз болған;

4) сақтандыру (қайта сақтандыру) ұйымының қаржылық жағдайы нашарлауы ықтимал болған жағдайда ұсынылған сақтандыру


(қайта сақтандыру) ұйымын қайта капиталдандыру жоспары тиімсіз болған;

5) өтініш беруші жеке тұлғаның, өтініш беруші заңды тұлғаның басшы қызметкерінің мінсіз іскерлік беделі болмаған;

6) өтініш беруші сақтандыру (қайта сақтандыру) ұйымының ірі қатысушысы мәртебесін алу нәтижесінде монополияға қарсы заңнама талаптарын бұзған;

7) сақтандыру (қайта сақтандыру) ұйымының ірі қатысушысы мәртебесін иелену бойынша мәміледе тараптардың бірі тізбесін Қазақстан Республикасының Ұлттық Банкі белгілейтін оффшорлық аймақта тіркелген тұлға (оның аффилиирленген тұлғасы) немесе оффшорлық аймақтарда тіркелген заңды тұлғалардың қатысушысы (құрылтайшысы, акционері) болып табылатын жеке тұлға болған;

8) өтініш беруші қаржы ұйымы өзі тұрған елде шоғырландырылған негізде қадағалануға жатқызылмаған;

9) өтініш беруші Заңда сақтандыру (қайта сақтандыру) ұйымының құрылтайшыларына және акционерлеріне қатысты белгіленген өзге де талаптарды сақтамаған;

10) қаржылық салдарды талдауда сақтандыру (қайта сақтандыру) ұйымының қаржылық жай-күйінің нашарлауы болжанған;

11) өтініш беруші Қазақстан Республикасының резидент емес қаржы ұйымында шыққан елінің заңнамасы аясында қаржылық қызметтерді жүзеге асыруға өкілеттіктері болмаған;

12) өтініш беруші Қазақстан Республикасының резидент емес заңды тұлғада Заңның 26-бабының 1-тармағында көзделген жағдайларды қоспағанда, тізбесін Қазақстан Республикасының Ұлттық Банкі белгілейтін рейтингтік агенттіктердің бірінің талап етілетін ең төменгі рейтингісі болмаған;

13) Қазақстан Республикасының Ұлттық Банкі Қазақстан Республикасының заңнамасында белгіленген тәртіппен қаржы ұйымын консервациялау, оның акцияларын мәжбүрлеп сатып алу, қаржы ұйымын лицензиядан айыру, сондай-ақ қаржы ұйымын мәжбүрлеп тарату немесе оны банкрот деп тану туралы шешімдер қабылдағанға дейін бір жылдан аспайтын кезеңде өтініш беруші ірі қатысушы жеке тұлға не ірі қатысушы заңды тұлғаның бірінші басшысы және (немесе) қаржы ұйымының басшы қызметкері болып табылған не болып табылатын жағдайда жүзеге асырылады. Аталған талап Қазақстан Республикасының Ұлттық Банкі Қазақстан Республикасының заңнамасында белгіленген тәртіппен қаржы ұйымын консервациялау, оның акцияларын мәжбүрлеп сатып алу туралы, қаржы ұйымын лицензиядан айыру туралы, сондай-ақ қаржы ұйымын мәжбүрлеп тарату немесе оны банкрот деп тану туралы шешім қабылдағаннан кейін бес жыл ішінде қолданылады.

Сақтандыру холдингі мәртебесін иеленуге келісім беруден бас тарту осы тармақтың бірінші бөлігінде көзделген негіздемелерден басқа:

1) өтініш беруші қаржы ұйымы өзі орналасқан елде шоғырландырылған қадағалауға жатқызылмаған;

2) Қазақстан Республикасының резиденттері емес сақтандыру тобының қатысушылары орналасқан елдерінің заңдары олардың және сақтандыру тобының Заңда көзделген талаптарды орындауына мүмкіндік бермейтініне байланысты сақтандыру тобына шоғырландырылған қадағалауды жүргізу мүмкіндік болмаған жағдайларда жүзеге асырылады.

Осы мемлекеттік қызметтер бойынша оны тоқтата тұру үшін негіздемелер жоқ.


  

3. Жұмыс қағидаттары

      


17. Комитет осы қызметтерді көрсеткен кезде басшылыққа алатын негізгі жұмыс қағидаттары:

1) әдептілік;

2) ) көрсетілетін мемлекеттік қызметтер туралы толық ақпарат;

3) жауап ақпаратының сапасы және уақтылылығы;

4) Қазақстан Республикасы мемлекеттік қызметшiлерiнiң ар-намыс кодексінің сақталуы;

5) мемлекеттік қызметтер көрсету барысында өтініш берушінің құжаттарындағы ақпараттың қорғалуын және құпиялылығын қамтамасыз ету;

6) өтініш беруші құжаттарды алу үшін келмеген жағдайда олардың сақталуы болып табылады.

4. Жұмыс нәтижелері

 

18. Өтініш берушілерге мемлекеттік қызметтер көрсету нәтижелері осы Стандарттың қосымшасына сәйкес сапа және тиімділік көрсеткіштерімен өлшенеді.



19. Қазақстан Республикасы Ұлттық Банкінің жұмысы бағаланатын осы мемлекеттік қызметтердің сапа және тиімділік көрсеткіштерінің мақсатты мәндері жыл сайын Қазақстан Республикасының Ұлттық Банкі Төрағасының бұйрығымен бекітіледі. 
 

5. Шағымдану тәртібі
20. Уәкілетті лауазымды тұлғалардың іс-әрекеттеріне (әрекетсіздігіне) шағымдану тәртібін түсіндіру және шағымды дайындауға көмектесу
050000, Алматы қаласы, Әйтеке би көшесі, 67 мекенжайы бойынша,
№ 317, 413 кабинетте не 8 (727) 2619-226, 2788-104 телефондары бойынша жүзеге асырылады.

21. Өтініш беруші мемлекеттік қызметтер көрсету нәтижелерімен келіспеген жағдайда шағым Комитет төрағасының немесе оның орынбасарының атына жазбаша нысанда пошта арқылы (электронды түрде – kfn@nationalbank.kz) немесе 050000, Алматы қаласы, Әйтеке би көшесі,


67 мекенжайы бойынша қолма-қол тапсырылады, Комитет төрағасының қабылдау бөлмесінің телефоны: 8 (727) 2788-000, Комитет төрағасының жетекшілік ететін орынбасарының қабылдау бөлмесінің телефоны:
8 (727) 2788-001.

Жұмыс кестесі: сенбі, жексенбі, демалыс және мереке күндерінен басқа күндері, күн сайын сағат 13.00-ден 14.00-ге дейінгі түскі үзіліспен, сағат


9.00-ден 18.00-ге дейін.

Егер тұтынушы қабылданған шараларға қанағаттанбайтын болса немесе мәселенi жоғары тұрған сатының қарауы талап етiлсе, онда тұтынушы шағымды Қазақстан Республикасының Ұлттық Банкi Төрағасының атына не оның орнындағы адамға жазбаша түрде жолдай алады. Шағымдар


050040, Алматы қаласы, «Көктем-3» шағынауданы, 21-үй мекенжайы бойынша поштамен жіберіле немесе қолма-қол беріле отырып, жазбаша түрде қабылданады.

22. Мемлекеттік қызметтерді Комитет көрсетеді.

Қызметтер дұрыс көрсетілмеген жағдайдағы шағым беру тәртібі осы Стандарттың 21-тармағында көзделген тәртіпке сәйкес келеді.

23. Көрсетілген мемлекеттік қызметтердің нәтижесімен келіспеген жағдайда өтініш беруші Қазақстан Республикасының заңнамасында белгіленген тәртіппен сотқа жүгінуге құқылы.

24. Шағымды берген кезде қажетті ресми құжаттардың тізбесі жоқ. Шағым еркін нысанда жасалады.

25. Шағым Комитеттің кеңсесі арқылы қолма-қол қабылданған кезде, оның өтініш беруші үшін көшірмесі түсіріледі, оған қабылданғаны туралы (қабылдау күнін, оны қабылдаған адамның тегін, атын, әкесінің атын және тіркеу нөмірін көрсете отырып) белгі қойылады.

Шағымдарды тіркеу, есепке алу және қарау «Жеке және заңды тұлғалардың өтініштерін қарау тәртібі туралы» 2007 жылғы 12 қаңтардағы Қазақстан Республикасының Заңында көзделген тәртіппен және мерзімде жүзеге асырылады.

Шағымды қарау нәтижелері туралы өтініш берушіге жазбаша түрде хабарланады.

26. Комитеттің байланыс деректері:

1) заңды мекенжайы: 050000, Алматы қаласы, Әйтеке би көшесі, 67;

2) интернет-ресурсы: www.afn.kz;

3) электрондық пошта мекенжайы: kfn@nationalbank.kz;

4) жұмыс кестесі: сенбі, жексенбі, демалыс және мереке күндерінен басқа күндері, күн сайын сағат 9.00-ден 18.00-ге дейін;

5) Комитет төрағасының және оның орынбасарларының азаматтарды және заңды тұлғалардың өкілдерін қабылдау кестесі: айдың бірінші және екінші бейсенбісі (сағат 16.00-ден 18.00-ге дейін);

6) Комитет төрағасының қабылдау бөлмесінің телефоны:
8 (727) 2788-000;

7) Комитет төрағасының жетекшілік ететін орынбасарының қабылдау бөлмесінің телефоны: 8 (727) 2788-001.

Комитеттің сенім телефоны: 8 (727) 2788-100.

 
_______________

«Сақтандыру холдингі немесе

сақтандыру (қайта сақтандыру) ұйымының

ірі қатысушысы мәртебесін иеленуге келісім беру» мемлекеттік қызметтер стандартына

ҚОСЫМША


Кесте. Сапа және тиімділік көрсеткіштерінің мәндері

 


Сапа және тиімділік көрсеткіштері

Көрсеткіштің нормативтік мәні

Көрсеткіштің келесі жылдағы мақсатты мәні

Көрсеткіштің есепті жылдағы ағымдағы мәні

1

2

3

4

1. Уақтылығы

1.1. Құжатты тапсырған сәттен бастап белгіленген мерзімде қызметті ұсыну жағдайларының пайызы (үлесі)

100%

 

 

2. Сапасы

2.1. Қызметті ұсыну процесінің сапасына қанағаттанған тұтынушылардың пайызы (үлесі)

90%

 

 

3. Қол жетімділік

3.1. Қызметтің сапасына және оны ұсыну тәртібі туралы ақпаратқа қанағаттанған тұтынушылардың пайызы (үлесі)

90%

 

 

3.2. Электронды форматта қолжетімді болатын ақпарат қызметтерінің пайызы (үлесі)

80%

 

 

4. Шағымдану процесі

4.1. Шағымданудың қолданыстағы тәртібіне қанағаттанған тұтынушылардың пайызы (үлесі)

90%

 

 

1

2

3

4

5. Әдептілік

5.1. Қызметкерлердің әдептілігіне қанағаттанған тұтынушылардың пайызы (үлесі)

90%

 

 



_______________


Достарыңызбен бөлісу:




©kzref.org 2022
әкімшілігінің қараңыз

    Басты бет