Қазақстан ауыр атлетика федерациясының баспасөз қызметі белгілі спортшы Вячеслав Ершовтың қайтыс болғанын мәлімдеді. Бұл туралы Stan.kz ақпарат агенттігі хабарлайды.

Фото: https://www.instagram.com/mayamaneza/

Әлеуметтік желіде марқұм спортшы туралы естелік жазып жатқан адамның қарасы көп. Солардың бірі – тележурналист Анна Данченко.

“Мен ол кісіні жақсы таныдым деп айта алмаймын. Бірнеше рет сұхбат жазып, бағдарлама түсіргенім болмаса…
Өте ақкөңіл, қарапайым ер азамат еді. Еліміздің намысын қорғаған спортшы. Майя екеуі әдемі жұп еді. Екі балапандары бар. Өте өкінішті. Небәрі 44 жаста еді. Жатқан жері жайлы болсын! Жақындарыңызды бағалаңыздар!", – деп жазды журналист.

  Фото: https://www.instagram.com/ann_2905/

Еске салайық, марқұм Вячеслав Ершов 1980 жылы дүниеге келген. Спортшы, Азия ойындарының жеңімпазы. Ол ел ішінде бірнеше дүркін чемпион атанған. Сонымен қатар 2006 жылы Дохада өткен Азия ойындарының чемпионы болған. Әлем чемпионатына да қатысқан. Ел біріншілігінің бірнеше дүркін жеңімпазы. Спортшының жұбайын да халық жақсы таниды. 2013 жылы әріптесі, ауыр атлет Мая Манезамен отау құрған. Бүгінде спортшының артында екі баласы қалды. 


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.