Көкшетау қаласындағы "Сальто" батут орталығынан өрт шығып, 60 адам эвакуацияланды. Оның 30-ы балалар. Бұл туралы Stan.kz ақпарат агенттігі хабарлайды.

Фото: Ақмола облысы ТЖД

Ақмола облысы төтенше жағдайлар департаментінің мәліметінше өрт сауна бөлмесінен шыққан, жалын 60 шаршы метр аумақты шарпып үлгерген.

“Өрт сөндірушілер жеткенше, сауна қызметшілері 40 адамды эвакуациялады, оның ішінде 22 бала, кейін құтқарушылар тағы 12 ересек пен 8 баланы сыртқа алып шықты. Жарақат алғандар мен зардап шеккендер жоқ. Өрттің шығу себебі анықталуда", — деді ведомстводан.

Оқиға орнында өрт сөндірушілер мен құтарушылар – 31 адам және 9 техника жұмыс істеді. ТЖД қызметкерлері тілсіз жауды бір сағат ішінде толығымен сөндірген.

“Қаза тапқандар мен зардап шеккендер жоқ. Өрттің себебі анықталып жатыр", — деп мәлімдеді облыстың ТЖД баспасөз қызметі.
 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.