Усьтэ! Кин-о отын? йыгаськыны но кесяськыны кутскиз нылаш



жүктеу 58.28 Kb.
Дата02.04.2019
өлшемі58.28 Kb.

Оло зэм, оло даур…

Адями визьмын туж трос мифъёс но легендаос уло. Одигез тодмоез асьмелэн музъем кылдэм сярысь. Вашкала чыжы-выжыосмы телевизоръёстэк, компьютеръёстэк мозмыт оз улэ. Асьсэ визьмын валазы улон орез.

Котькуд адямилэн улоназ вань кыче ке но паймымон учыр. Вашкала адямиос оскыса улизы паймымон вукузёослы, мунчокузёослы. Соос сярысь трос мифьёс, веросъёс но куддыръя кырзанъёс кылдытэмын вал. Кудъёссэ асьмелэн песнайёсмы тодо на.

Мыным песянае, Фёдорова Валентина Полекарповна, маде туж трос портэм учырьёс. Мон туж яратисько кылзиськыны. Сое кылзиськыкум, синъёсы но золтисько, ымы но усьтиське.

Мон яратисько лыдзиськыны, соин ик котькуд нунал библиотекаын бырйиськыса улисько. Одиг нуналэ шедьти книга, кудизлэн тунсыко вылтусыз, но вужгес ини адзиське. Кема ик лыдзыны ой выры, кык нунал куспын лыдзыса быдти. Со книгаын мадиське адямиослэн мунчокузёен пумиськемзы. «Оло зэм, оло, даур!»,- шуыса лыдзисько. Песянаелэсь юаськыны малпай.

Песянае гань-гань черсиське вал. Юаськыса, со мыным лач-лач мачкыны кутскиз. Ачиз мадиське ке но, киосыз чупырес выро.

«Мунчое дас кык бере потаны уг яра. Тужгес но егит нылъёслы, - валэктыса маде песянае.- Мынам эше, бер ужысь бертыса, огназ мунчое мыниз. Пыласькиз но дасяськиз потыны. Оссэ усьтыны выре но, оссэз кап-кап пытсамын.

- Усьтэ! Кин-о отын? - йыгаськыны но кесяськыны кутскиз нылаш.

- Бызёд-а мыным? – зок пиосмурт куара кылиськиз ос сьорын.

Кышкаса юа ини эше:

- Кин со?

Нокин но уг куареты. Кышкыт чузъяськись куара куинь пол юаз нылашлэсь соглаш луэмзэ тодмотэм пиосмуртлы бызьыны. Малпаськыса егит нылаш вазиськиз:

- Мон бызё тыныд, - синвузэ чушылыса каллен вераз эше.

Вераса оз быдты - осэз волак усьтиськиз. Шузимыса потиз гуртэ, нокинлы но оз вера паймымон учыр сярысь.

Арня ортчыса, ныл доры узыр семьяысь егит пи кураны ветлиз. Ныл соглаш луиз - кышетсэ кузьмаз. Толэзь ортчыса, шулдыр сюан шудизы. Чошен туж кема улизы».

Песяналэн ымыз пытсаськиз, мур малпаськонэ усиз кадь. Шодисько: мае ке но верамез потэ на. Мур шокчиз но выльысь вераны кутскиз. Кытчы ке кыдёке учке но дугдылытэк маде.

«Тазэ учырез анае мыным мадиз вал, - шорам учкыса вераз песянае. - Одиг пол егит нылаш мыниз мунчое. Эшеныз мыныны дасяське вал но огназ вазьгес потиз. Мунчоысь осэз усьтэ но - мае отысь адзе! Синъёсыз но выллань жутиськизы. Пуке кыче ке тодмотэм пичи адями. Ма адями но сое уд шуы: йырсиез полозь кыстаське, тушез но ал вылаз кылле, нырыз бадзым, пельёсыз чорк-чорк вылие учко. Паймод но бырод! Нош сэрегын тодь-тодь курег коткаса пуке.

- Кемалась мон вити тонэ, нылаше, - шодымтэ шорысь вазиз аспортэм адями.

Чирак! Кеськыса, осэз пытсаз но бызьыса корка потиз. Эшез юа:

- Мар сыче шокаса ик пыриськод?

Вань адземзэ куалекъяса мадиз нылмурт. Дугдылыса но гуньдылыса мачке. Веранзэ быдтиз но мур шокчиз. Чошен потизы эскерыны шуыса, но нокинэз но овол ни. Нокин но ой вал кадь татын, чалмыт. Курегез но овол, тушо пиосмртэз но ышем. Борысь йыре шукиз: мунчокузё вал, дыр, шуыса».

Мынам туж трос юанэ позиз ини, чиданэ овол, песянаелэсь жоген юаськеме потэ.

- Нош тон, песянай, пумиськылид ин-а мунчекузеоосын?- юаськон сямыным юай мон.

- Инмар мед утёз. Мон соосын ой на пумиськылы. Нош кылэме туж трос вань. Тани эшшо одигзэ кылэм учырме верало на тыныд.

«Азьло аръесы бугро коре лэсьтыло вал мунчо жопи. Удмурт нылкышноос одно ик оско вал: мунчокузёен жопиети чырткемъяськид ке, одно ик бызёд узыр яке куанер семьяе. Мынам эшъёсы но эскерыны малпаллям. Одигезлы шедем кузь гоно шакырес ки, солы туж бадзым шуд усиз. Со бызиз шудо, чебер, узыр воргоронлы. Соос возын котьку воршудзы вал. Мукетэзлы шедиз вольыт, адямилэн кадь ки. Со бызиз начар, лякыт сямо пиосмуртлы».

- Нош мунчокузё сяна тон мукет мифической лулъёс сярысь учыръес тодиськод на-а?

Песянае мур малпаськонэ усиз. Синъесыз кытчы ке кыдёке учко - сик пала.

«Одиг гуртысьтымы кышномурт губияны мынэм. Губиен кудызэ тырмытыса, тодмотэм интые вуэм. Со озьы шедем йыромытись интые. Трос котыръяськыса ветлэм, гуртэ сюрес шедьтымтэ. Кызлэсь улвайёссэ палэнъяса мыныкуз, шуак тодьы адямиез адзем. « Остэ, Инмаре!» шуыса куинь пол восяськем но аслыз кирос понэм. Шуак тодьы адями син азьысь ышем. « Ма ишан-а ма-а-а-р-а та?», - паймем кышномурт. Кема сикети овол ни ветлэм - тодмо сюресэ потэм. Тодьы мурт солы сюрес возьматэм. Кышномуртм гуртэ вуэм…»

«Кыче тунсыко вылэм, сомында аръёс улыса, кылэме но ой вал сыче паймымон учыръёсты», - малпаськыса пукисько. Мон зол кужымо.

- Песянай, со учыръёс йырез поромытисесь кадь! Эшшо но эшшо тодэм потэ, тодиськод на-а? – чидантэм тусо кариськыса. юасько ини мон.

Серектыса музэн вераз песянай:

- Тодисько, но борысь кышкаса улод ини. Таиз тужгес но кышкыт.

Мынам, бен, чидантэм сямы жуатскиз ини:

- Уг! Уг кышка. Мон номырлсь но уг кышкаськы, - буйгатыны кутски мон песянайме.

Песянай пальпотиз но мадёнзэ мытиз:

«12 час - удмуртъёслы портмаськись дыр. Со дыре котьку портмаськись учырьёс пормо. Тани 12 часын мынам анае эшьёсыныз мынизы сюрес воже. Сям – йылолъёсты чакласа, отчы шораз суредано вал эгес (круг). Со пушкы пыре кык адями, нош одигез кыче ке куара кылзиське. Анаелэн эшезлы кылиськиз гроб пул куара – со кулонлы. Анаелы шедиз сюан гырлы – со сюанлы. Нош куинети эшсылы паймымон существо. Пилем юг-юг луиз но йыр вылтиз горд-горд, зардись чукна выллем, жуась кый ортиз. Со пожарлы тодмет. Со тодметъёс туж шонересь. Нылашмы, кудизлы кылиськиз гроб пул, кема ик оз улы ни. Анае толэзь но оз улы ни, бызиз егит чупрес пиосмуртлы. Нош горд кыен кин пумиськылиз, солэн юртэз тылжуэн гомзиз. Осконо кадь овол ке но – улонысь факт!».

Солэн вань веранэз быриз, номырин монэ паймытыны ини. Нош мон туж тунсыко малпанъёсын кыли. «Кышкано но кадь, овол но!»,-малпаськыса пукисько ини. Малы бен кышкалод, мунчое мон бер уг ветлиськы, сюрес воже уйёсы уг потаськы. Песянае дол-л! шорам учке, мае ке юамме вите. Нош мынам сомында веранъёсы- малпанъёсы йырам кугзамын, кудзэ вераны ик уг тодиськы. Ма вылысь кутсконо? Ымме но усьтын ой вуы, осэти кин ке пырись луиз.

Баба Маша - бускельмы вылэм.

- Чал – чал малы ке пукиськоды, мар ке луиз шат? - вазиськиз со.

- Портэм учырьёсты тани мачкиськом, выльзэ тодэмез потэм, - кышетсэ тупатыса вераз песянае,- мунчокузе сярысь но мукет мифической существоос сярысь.

- Баба Маша, нош ти тодиськоды – а? – чидатэк, чупыресэным юай.

- Уг, Юлие, мон уг тодиськы. Мон серемессэ гинэ тодисько.

«Кышкытгес учырьёс бере, серемес веросъёс сиськон ДЕСЕРТ луозы ай»,- ас поннам серекьясько мон.

Баба Маша чилясь синъёсам учкыса ик валаз ини: туж тодэме потэ. Веранзэ мытиз:

«Пось гужем. Турнан вакыт. Ваньзэ бусыын кузьылиос кадь ужало. Пиосмы гурезез берыкто. Вераськонзы но вой вылти кадь гылзе. Эшме туж яратэ вал шунды. Поламы со котьку пиштэ вал, яркыт буёлэн висъяське. Нош со солы уг яра вал, пиос но сое серекьяло.

Тани пиос серекъяны малпазы. Семон Вася шуэ:

- Маня, тынад кылэмед но-а мар-а овол. Вал кызен пыласьконо, вань ситьпужыосыд но бырозы. Кемалась тон сьорад сюрс пиос бызьылысалзы ини.

Кема ик малпаськыса оз улы, кутиз посуда но кизэ азьпала мычыса вал сьоры бызьылыны кутскиз. Куке-соку банказэ тырмытиз но туж умой пыласькиз. Эх. пиос, йырады олома но лыктэ!» Пиос нош посиськыса турнам турын вылти погыллясько вал ни…

Ымнырамы ваньмылэн пальпотон. Песянайлэн но тодаз лыктиз на мукет учыр:

- Мон нырысети адями, кудиз интыяськиз выль Мувыр гуртэ. Соку мынам 4 нылпиосы вал ини. Бадзымез Люда, шоретиез Галя, пичиезгес Алёша, самой пичиез - Нати. Пичи Нати туж шенгыль вылэм пинал дыръяз! Егит кышномурт Поля но интыяськем Мувыр гуртэ. Солэн ик нылыз Люди луиз нырысети вордиськем нуны Мувырамы. Со борсьы шенгыль Натилэн Юра выныз вордиськиз. Натилы дыр но ой вал: Людиез но, Юрикез но возьмано.

Одиг пол серемес учыр но кылдиз. Поля апай Наташаез пиналзэ возьман косэм. Ачиз бакчае жаг ишкыны потэм. Кокые выдтыса кельтэм но, Нати сое сыче лэйкатэм, пичи Люди чир-р! бордыны кутскем. Эшшо но золгес лэйкатын кутскем. Медаз гинэ борды шуыса. Тани – тани усёз ини Люди, мугорыз омырын, йырыныз гинэ кокы вискын возиське на.

Малпаськытэк, бакчае потэм но кесяськыны кутскем: «Ма утэ инь, утэ инь»,- шокаса кесясьыны но уг быгаты ни. «Ма кин утэ?» - паймыса анаез юа. Нати сьоры бызьыса корка пыриз но, жогак пиналзэ кутиз. Пичи ныл кекамын вылэм ини. Таче учырен серекъялод но, бордод но.

Милям серемес учырьёсын конкурс пормиз ини. Баба Маша выльысь вераны кутскиз:

- Пичи дыръямы ульчаын шудиськом. Пичи Васьлей азбараз маке кесяськыны кутскиз: «Батэ, батэ, батэ!» - пумен бордэ. Паймим воксё. Муш лекам пеляз но, шиез отчы кылем. Ульча кузяна кесяське.



Оло зэм, оло, даур шуэ, нош мон тае ас пельыным кыли!


Достарыңызбен бөлісу:


©kzref.org 2019
әкімшілігінің қараңыз

    Басты бет