Қызылорда облысындағы Еңбек ауылы “Батыр аналар ауылы” деп аталады. Мұнда 100-ге жуық көп балалы әйел тұрады. Бұл туралы Stan.kz ақпарат агенттігі “24KZ” арнасына сілтеме жасап хабарлайды.
Фото: Кадрдан скриншот
Ауылда 2,5 мың тұрғын болса, оның 43-і "Алтын алқа" және 54-і "Күміс алқа" иесі. Олар – дәстүр мен әдет-ғұрып сақтаушысы. Бұл ауылды халық арасында “алтын аналар” тұратын жер деп айтады.
Солардың бірі – Тазагүл Қазыбекова. Қартайғанына қарамастан, әже бір орында отыра алмайды: ауылдық клубта тоқу үйірмесін жүргізеді, ерекше заттар жасауға үйретеді. "Алтын алқа" иесінің 11 баласы бар. Бұл – ауыл стандарты бойынша көп емес.
“Менің құрдастарым Бәтима, Сабыттың 18 баласы болды. Барлығын жақсы азамат етіп өсірді. Үлкендері қазір зейнеткер. Олардың балалары мен немерелері де көп балалы ана. Отбасында кемінде 9 баладан бар. Біздің ауылда мұндай әйелдер әрқашан құрметке ие. Біз әжелеріміз бен аналарымызды үлгі еттік, қазір жастар бізге қарап өсіп келеді”, – дейді "Алтын алқа" алқа иегері Тазагүл Қазыбекова.
6 баланың анасы Айнұр Доспанбетова құрақ құрау ісінің шебері. "Күміс алқа" алқа иегері хоббиін бизнеске айналдырған. Ол 1 млн теңге ақшалай грант ұтып алып, өз ісін ашыпты.
“Жүн түтіп, жіп иіру, жылы киім тоқу, киіз үйге арналған кілем мен әшекей жасауды біз аналарымыз бен әжелерімізден үйрендік. Қолөнер мен қолданбалы өнер біздің халқымыздың қанында бар. Бұл білім әрқашан ұрпақтан-ұрпаққа беріліп отырды. Ұлттық дәстүріміз бен мәдениетімізді сақтау біз үшін де өте маңызды”, – деп атап өтті "Күміс алқа" алқа иегері.
Ауылда "Батыр аналар" әжелер ансамблі бар. Ол 35 жыл бұрын құрылған. Қазір шығармашылық ұжымда батыр аналардан құрылған вокалистердің үшінші буыны өнер көрсетіп жүр.
“Трио, квартет, хор, домбыра және гитара. Біздің ансамбльді кез келген мерекеде қуанып күтіп алады. Репертуар кең, ал солистер ісіне жауапкершілікпен және махаббатпен қарайды. Бұрын біздің аналарымыз бен әжелеріміз егістіктерде де өнер көрсеткен: фермерлер мен механизаторларға ән салып беріп, жақсы көңіл-күй сыйлаған. Енді біз олардың дәстүрін жалғастырамыз”, – дейді "Батыр аналар" ансамблінің жетекшісі Алтын Мамадалиева.
Еңбек ауылы "алтын" аналармен ғана танымал емес. Мұнда қылмыс нөлдік деңгейде: кейінгі 7 жылда бірде-бір құқықбұзушылық болмаған. Ауыл өркендеп жатыр, әр үйдің шағын балабақшасы бар.
Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.